ვირტუალური კონცერტი - პროტესტი / PROTEST - Virtual Concert
წარმოგიდგენთ თბილისის ვანო სარაჯიშვილის სახელობის სახელმწიფო კონსერვატორიის სტუდენტების
მულტიმედიურ ნამუშევრებს / Multimedia works by Vano Sarajishvili Tbilisi State Conservoire students
თსკ-ის მუსიკის ტექნოლოგიის სტუდენტების ერთობლივი ნამუშევარი.
გიორგი მუმლაძე, ანა მესხი, მარიამ თათარაძე, სანდრო გიგოლაშვილი, ვერიკო შევარდენიძე, თამარ ცაავა, ბაგრატ გულიაშვილი თამთა ხაჩიური, ქეთევან ხმალაძე.
Joint work of TSC music technology students.
Giorgi Mumladze, Ana Meskhi, Mariam Tataradze, Sandro Gigolashvili, Veriko Shevardenidze, Tamar Tsaava, Bagrat Guliashvili, Tamta Khachiuri, Ketevan Khmaladze
იოტა შთაგონებულია ქართული ფოლკლორის პერსონაჟებით, ბატონებით — ნანა ქალღმერთის ქალიშვილებით, რომლებიც ჯანმრთელობასა და ავადმყოფობაზე აგებენ პასუხს. როდესაც ადამიანი დაავადდებოდა, მოსახდელი დაავადებებით, ანუ, მაგალითად, წითელათი ან წითურათი, ხალხს სჯეროდა, რომ ბატონები ესტუმრნენ მათ. ამ სულების პატივისცემისთვის და მათი კურთხევის მისაღებად, ოჯახები ატარებდნენ რიტუალებს, რთავდნენ სახლს საჩუქრებით და ცეკვავდნენ ფერხულს — რიტმულ, წრიულ ცეკვას, რომელიც ჰარმონიას სიმბოლიზირებს. ამ რიტუალის მიზანი იყო ბატონებისთვის ჩვენება, რომ არიან კარგი მასპინძლები და მათი სიყვარულისა და პატივისცემის შემდეგ ბატონები წაიღებდნენ დაავადებებს და დაუბრუნებდნენ ოჯახს ჯანმრთელობას და მშვიდობას.
IOTA-ში, ჩემი ბატონები მსგავს რიტუალს ასრულებენ, მაგრამ ამჯერად ავ თვალთან ბრძოლის შელოცვის სახით. ამ ნაწარმოების წერა დავიწყე 2024 წლის 26 ოქტომბრის არჩევნებამდე, ხუმრობით იმ იმედით, რომ იგი ჩვენს ქვეყანას “ავი თვალისგან” გაათავისუფლებდა. თუმცა, არჩევნები გაყალბდა, და მას მოჰყვა ტრაგედიული ერთთვიანი პროტესტი, სადაც ქუჩები გახდა ჩვენი სცენა, ხოლო სასტვენები — ჩვენი ინსტრუმენტები.
ამ მოვლენების შემდეგ ამ ნაწარმოებს კიდევ უფრო სხვანაირი თვალით შევხედე. IOTA-ში ბატონები ქალური სიძლიერის სიმბოლოებად იქცნენ სადაც ლივლივებენ ზეციერსა და მიწიერს შორის. მათ, როგორც უნაკლოებს და ზეციერებს აცვიათ თეთრები, მაგრამ ატარებენ გაზის ნიღბებს, როგორც ჩვენ, მომიტინგეები, რადგან მათაც ისე სტკივათ ჩვენი ტკივილი, როგორც ჩვენ. როგორც ჯანმრთელობისა და კეთილდღეობის მფარველები, ისინი ცდილობენ, განკურნონ ჩვენი საზოგადოება და ჩვენი საერთო ტკივილი გაიზიარონ.
ამაყი ვარ, რომ ჩემი ხმა ჩემი მუსიკით შემიძლია გამოვხატო. IOTA-ს ყოველ შესრულებაში არის მოწოდება — ერთიანობისა და იმედისკენ. მჯერა, რომ ვინც მას მოისმენს, თვითონაც ხდება პატარა ბატონი, რომელიც ჩვენს თავისუფლებისა და სამართლიანობისთვის ფერხულში ერთვება.
IOTA is a piece inspired by the mystical “Batonebi” (masters) of Georgian folklore—the daughters of the goddess Nana, spirits who govern health and illness. When someone fell ill with diseases like measles or chickenpox, it was believed the Batonebi had visited them. To honor these spirits and seek their blessing, families would host rituals, offering gifts and performing the Ferkhuli dance—a rhythmic, circular movement symbolizing harmony. This ritual was thought to show the Batonebi that they are loving hosts, and because of their beautiful hospitality Batonebi would take the illnesses with them and give the families peace and wellness.
In IOTA, my Batonebi perform a similar ritual, but this time as a prayer against the evil eye. I composed this piece before the Georgian elections on October 26, 2024, joking that it might help lift the curse of misfortune from our country. Tragically, the elections were falsified, and what followed was a month of protests that turned our streets into our stage and whistles into our instruments.
Through these events, I began to see this piece from the different perspectives. In IOTA, Batonebi become symbols of the female resilience, levitating between the ethereal and the earthly worlds. Dressed in white, their innocence is clear, but the gas masks they wear reflect the pain and struggle we, the protesters, endure. As guardians of health and well-being, they pray to heal our society while carrying our shared grief.
I am proud that my music can amplify our collective voice. Every performance of IOTA is an invocation—a call to unity and hope. And I believe that anyone who hears it becomes a small Batoni themselves, joining us in the Ferkhuli for freedom and justice.
ყოველგვარი ძალადობის წყარო პირველ რიგში აზიანებს დედამიწას და იმ ეკოსისტემას, რაც ადამიანის მოდგმის არსებობისთვის უმნიშვნელოვანესია. ამიტომ უნდა მოვაშოროთ მავნებლები, რათა ადამიანმა იცხოვროს ჰარმონიაში სამყაროსთან.
The source of all violence primarily harms the earth and the ecosystem that is essential for the existence of humanity. That is why we need to get rid of pests so that man can live in harmony with the universe.
ბუნება ნეტარების გრძნობით ანთებულ სამყაროში გვიხმობს ყოველთვის. მისი სული ზეცის უკიდეგანო ფრთებია, რომელსაც ძალუძს ადამიანში ზეციური შეგრძნებების წარმოქმნა. მასთან ურთიერთობა სულს კურნავს მტანჯველი, უსარგებლო, შემაწუხებელი ფიქრებისაგან, რომელიც ხშირად ჰქრის სულში. ბუნება ჩვენს ყოველ წამს მარადიულობის წამით აღავსებს თუ სულიერ ერთობაში ვიქნებით მასთან.
Nature always calls us to a world aflame with a sense of bliss. Its soul is the infinite wings of heaven, capable of creating heavenly sensations in man. Communication with it heals the soul from the tormenting, useless, disturbing thoughts that often haunt the soul. Nature fills our every moment with a moment of eternity if we are in spiritual unity with it.
სოფიო მურუსიძის მიერ გახმოვანებული კოტე მიქაბერიძის მუნჯი ფილმი
Sopio Murusidze's sound disign for Kote Mikaberidze's silent film
ჩემი ბებია / My Grandmother (1929)
გთავაზობთ ქართველი გენიალური რეჟისორის კოტე მიქაბერიძის მუნჯი ფილმის „ჩემი ბებია“ მოკლე ვერსიას, რომელიც 1929 წელსაა გადაღებული; ამით მსურს ხაზი გავუსვა ბიუროკრატიასთან დაკავშირებულ მუდმივ პრობლემებს და უსამართლო სოციალურ იერარქიებს, რომელიც დღემდე გრძელდება. ჩემი მიზანია კიდევ ერთხელ ვამხილო ბიუროკრატიული სისტემების აბსურდულობა, რომელიც აგრძელებს დროის, რესურსების და ადამიანური პოტენციალის ფუჭად ხარჯვას. მუსიკა და ხმოვანი ეფექტები აძლიერებს ბიუროკრატიული მანქანის ქაოტურ ენერგიას, აძლიერებს დაძაბულობისა და უიმედობის გრძნობას.
რათა კიდევ უფრო მძაფრად აღმენიშნა თემის ემოციურობა, ფილმის გაფორმებისას საკუთარ კომპოზიციებსა და ხმის ეფექტებს დავურთე კარგად ცნობილი ფრაგმენტები ჯაზ და კლასიკური ნაწარმოებებიდან, ასევე ფილმის დასკვნით ნაწილში გამოყენებული მაქვს ეკა ჭაბაშვილის კომპოზიცია "პროტესტი".
I created this montage to highlight the enduring issues of bureaucracy and the unjust social hierarchies it perpetuates. Drawing inspiration from Kote Mikaberidze’s My Grandmother, I aimed to explore the absurdity and dehumanizing effects of bureaucratic systems that continue to waste time, resources, and human potential. The music and sound effects intensify the chaotic energy of the bureaucratic machine, amplifying the sense of tension and hopelessness.
Special thanks to Professor Eka Chabashvili for her guidance and for allowing me to use her composition "Protest" in the final segment of the montage.
Additionally, I incorporated my own compositions and sound effects, along with well-known jazz and classical pieces, blending them to further underscore the emotional weight of the subject matter.
ყოველი არსება ბუნების შვილია და ამქვეყანას ევლინება თავისუფალი. მიუხედავად იმისა, რომ ახალშობილი არის უსუსური, მას საოცრად ძლიერი უნარი აქვს თვითგადარჩენისა და საკუთარი ნების გამოხატვის. პროტესტი საფრთხის წინააღმდეგ ბრძოლის თანდაყოლილი და პირველადი იარაღია, რაც ბუნებამ მისცა ადამიანს თავდაცვისთვის.
ადამიანთა მოდგმას ჯოგური ცხოვრების პრინციპით გააქვს თავი დღემდე. ქმნის ურთიერთობის სისტემას, რასაც საზოგადოებას ვუწოდებთ და ემორჩილება, ახალდაბადებული ადამიანი თვალის გახელიდანვე ერთვება სოციუმში, და მას იმთავითვე უკვე ამზადებენ ცხოვრების მთავარი პრინციპისთვის - დაემორჩილოს არსებულ სისტემას, რომელსაც მართავს საზოგადოებრივი აზრი.
პროტესტი ჩნდება მაშინ, როდესაც ეს მორჩილება საზოგადოების ერთი ნაწილის მიერ მეორე ნაწილის ჩაგვრის ელფერს იღებს; ანუ საზოგადოების ერთი ნაწილი გამოეყოფა და სისტემას იყენებს ძალაუფლების იარაღად, საკუთარ თავს აიგივებს სისტემასთან და საკუთარი აზრის უპირატესობას ამკვიდრებს, იწყებს სხვისი უფლების შეზღუდვას და სისტემით სარგებლობას. საბოლოოდ ეს დამოკიდებულება ძალადობის სხვადასხვა ფორმებში ვლინდება, იქნება ეს კორუპცია, უსამართლობა და დაუსჯელობის სინდრომი, პროტექციის ძალა, ბუნების მიმართ უდიერი მოპყრობა და ა.შ.). დგება მომენტი, როდესაც ეს ქცევა იღებს მასობრივ სახეს და ადამიანში იღვიძებს თავისუფლების თანდაყოლილი ინსტიქტი აქ კი იწყება პროტესტის ტალღა არსებული ძალადობის წინააღმდეგ.
პროტესტი აზრის გამოხატვისა და კომუნიკაციის უკიდურესი ფორმაა.
პროტესტი კაცობრიობის განვითარების აუცილებელი იარაღია, ჩვენი ცივილიზაციის სახეცვლის ფორმულაა; ის ადამიანების მიერ არჩეული ან ადამიანების ერთი ჯგუფის მიერ თავს მოხვეული არსებული სისტემის მანკიერ ფორმებში გადასვლის შემაჩერებელი საშუალებაა. ნებისმიერი სისტემა იკეტება, როგორც კი სასიცოცხლო რესურსი ეწურება, რის გამოც, ყველაზე ხშირად, ის თავდაცვის რეჟიმში დგება და იწყებს თავისუფლების შეზღუდვას, ეს კი წარმოშობს ძალადობის უამრავ ფორმებს და იწვევს უსამართლობის შეგრძნებას.
Every creature is a child of nature and is born free. Although a newborn baby is helpless, it has a surprisingly strong ability to self-preservation and express its will. Protest is an innate and primary weapon of defense against danger, which nature has given to man for self-defense.
The human race has survived to this day on the principle of herd life. It creates a system of relationships that we call society and obeys it. A newborn person joins society from the moment he opens his eyes, and from the very beginning he is prepared for the main principle of life - to obey the existing system, which is governed by public opinion.
Protest arises when this obedience by one part of society takes on the form of oppression of another part; that is, one part of society separates itself and uses the system as an instrument of power, that is, it identifies itself with the system and establishes the superiority of the opinion, with which it begins to restrict the rights of others and benefit from the system. Ultimately, this attitude manifests itself in various forms of violence, be it corruption, injustice and impunity, the power of protection, indifferent treatment of nature, the destruction of life, etc.). There comes a moment when this behavior takes on a mass form and the innate instinct for freedom awakens in man. And here begins a wave of protest against the existing violence.
Protest is an extreme form of expression and communication.
Protest is an indispensable tool for the development of humanity, a formula for the transformation of our civilization; It is a means of stopping the transition of the existing system, chosen by people or imposed by a group of people, into vicious forms. Any system closes as soon as its vital resources run out, so more and more often it goes into a defensive mode and begins to restrict freedom, which gives rise to numerous forms of violence and causes a feeling of injustice.
I Violin – Marina Getia / I ვიოლინო - მარინა გეთია
II Violin – Gabriel Beridze / II ვიოლინო - გაბრიელ ბერიძე
Viola – Elene Gogodze / ალტი - ელენე გოგოძე
Cello – Salome Stroganova / ჩელო - სალომე სტროგანოვა
მანკიერი წრე მათემატიკურ ლოგიკაში აღწერს მოქმედებას, როდესაც წინადადება მტკიცდება წინადადებით, რომელიც თავად არის დასამტკიცებელი. ეს მოვლენების რთული ჯაჭვია, რომელიც აძლიერებს საკუთარ თავს გამუდმებული უკუკავშირით და იწვევს საზიანო შედეგებს. ადამიანი, ან საზოგადოება შესაძლოა მარტივად აღმოჩნდეს ამგვარ წრეში ისე, რომ ამ მდგომარეობას ვერც კი აცნობიერებდეს. ამ წრის გარღვევა მძიმე პროცესია, თუმცა ამის გარეშე შეუძლებელია შემდეგი ნაბიჯის გადადგმა. მანკიერია ის წრე, რომელშიც ჩათრეულია ქართული საზოგადოება დამოუკიდებლობის აღდგენიდან მოყოლებული. ადამიანთა ნაწილს უჭირს საკუთარი თავის წარმოდგენა განსხვავებულ სამყაროში და ცდილობს მაქსიმალურად შეუწყოს ხელი „უსაფრთხო“ სტატუს-კვოს შენარჩუნებას თავის გადასარჩენად, რომელსაც სინამდვილეში არც სჭირდება გადარჩენა. მათი აზრით, სწორი გადაწყვეტილების მიღება მხოლოდ ბრძენ ბელადს შეუძლია და მისი არარსებობა გაურკვეველ ქაოსში აქცევს ყველაფერს. ფუნდამენტის რღვევას შეუძლია მხოლოდ მანკიერი წრის გარღვევა და სამყაროს განსხვავებული პერსპექტივიდან ხილვის შესაძლებლობის შექმნა შემსრულებლები სხედან სცენაზე მაყურებლისკენ ზურგით და პირდაპირ უყურებენ კედელზე დაპროექტებულ ჩაწერილ ვიდეოს. ისინი თავდაპირველად ემორჩილებიან და მიჰყვებიან იმ სურათს, რომელსაც მიადევნებენ თვალს. მთელი ნაწარმოების განმავლობაში ისინი ცდილობენ გათავისუფლდნენ ამ დამოკიდებულებისგან და გაექცნენ მანკიერ წრეს, რომელმაც დაიპყრო მათი ქმედებები და აზრები.
A vicious circle is a mathematical concept that describes the proof of a proposition by a proposition that itself requires proof. A complex chain of events reinforces itself through a feedback loop, with detrimental results. A person or even an entire society can easily find themselves inside this circle, which may not be obvious to them. Breaking this circle is a heavy process, but it is impossible to take the next step without it. The circle in which Georgian society has been entangled since the restoration of independence is vicious. Some people find it difficult to imagine themselves in a different universe and try to contribute as much as possible to maintaining a “safe” status quo in order to save themselves, which in reality does not even need saving. In their opinion, only a wise chief can make the right decision, and his absence turns everything into uncertain chaos. Only a breach of the foundation can break the vicious circle and create the opportunity to see the universe from a different perspective. The performers sit on the stage with their backs to the audience and look directly at a recorded video projected on the wall. They initially surrender and follow the image they are watching. Throughout the work, they try to break free from this attitude and escape the vicious circle that has captured their actions or thoughts.